«Кому, мамусь, кому, кошуленьку шиєш?»
«Тобі, сину, тобі, бо на войну идеш». (2)
«Ой сину, мій сину, вернися додому,
Най я ти зачешу головоньку твою». (2)
«Не будеш ти, мамусь, не будеш ти знала,
Де ся моя кровця буде розливала». (2)
Як я машірував, отец на мя волав:
«Вернися, мій сину, бо я тя виховав!» (2)
«Воячку, воячку в сивім калапочку,
На кого зохабляш свою фраїрочку? (2)
Іде дойджик, іде, іде дойдж дрібненький,
Плачут мої очка за тобом, миленький». (2)
«Не плач, мила, не плач, плач ти не поможе,
Хоц би-с душу дала, з войска не виможеш». (2)
Любилися двоє, як голубів пара,
Мусят ся розийти, як та чорна хмара. (2)
Хмара ся розийде, і дойджу не буде,
З нашого любління нигда нич не буде. (2)
|
